Алматы облысында адасып кеткен балықшылар құтқарылды

АСТАНА. KAZINFORM – Алматы облысының тауларында іздестіру-құтқару жұмыстары сәтті аяқталды. Бұл туралы ТЖМ баспасөз қызметі хабарлады.

22 наурыз күні кешке Алматы облысы ТЖД 112 пультіне таңертең ерте бес адам Ұзын-Қарғалы өзенінің бойындағы Қарғалы ауылының тауларына балық аулауға барғаны туралы хабарлама келіп түскен.

Топтан тек бір адам өздігінен түсіп, қалған төртеуінің (бір ересек және үш жасөспірім) қайда екендігі белгісіз болған.

— 3 техника, 2 ұқышсыз ұшу аппараты, 2 кинологиялық есеп және 2 спутниктік телефон арқылы іздестіру-құтқару жұмыстарына жұмылдырылған 13 құтқарушы балықшыларды Ұзынқарғалы бөгетінен 15 км жоғары ашық аумақта тапты, — делінген ТЖМ хабарламасында.

Жоғалған адамдардың жағдайы тұрақты. Ешкімге медициналық көмек қажет емес. Құтқарушылардың сүйемелдеуімен олар таудан түсіріліп, елді мекенге жеткізілді.

Айта кетелік Жамбыл облысының құтқарушылары Ақмола облысына аттанды.