Алматы облысында биыл 800-ден астам тұрғын интернет-алаяқтарға алданған

ҚОНАЕВ. KAZINFORM – Алматы облысында интернет-алаяқтықтан 800-ден аса адам зардап шекті. Бұл туралы Өңірлік коммуникациялар қызметінің алаңында облыстық Полиция департаментінің Криминалдық полиция басқармасы бастығының орынбасары, полиция майоры Нұржан Кеңесханұлы мәлімдеді.

Оның айтуынша, жыл басынан бері облыс бойынша 819 интернет-алаяқтық фактісі тіркелген. Бұл өткен жылмен салыстырғанда 35,6%-ға жоғары. Қазіргі уақытта 110 қылмыстық іс аяқталып, 83 іс сотқа жіберілді. Құқық қорғау органдары жәбірленушілерге 10 864 000 теңге қайтарған.

«Жыл басынан бері осындай 5 жедел-профилактикалық іс-шара өткізілді. Соңғы тексерулер барысында Қонаев қаласы мен Іле және Қарасай аудандарында заңсыз темекі және электронды темекі (вейптер) айналымының үш фактісі анықталды», – деді Нұржан Кеңесханұлы.

Еске салайық, Алматы облысында өзен бойынан әйелдің мәйіті табылған болатын.