Алматы облысында мектеп оқушысының аяғын көлік басып кетті
Алматы облысының Алмалыбақ ауылында мектеп оқушысының аяғын жеңіл көлік басып кетті, деп хабарлайды Kazinform.

Әлеуметтік желіде Алмалыбақ ауылындағы мектеп алдында оқушыны көлік қақты деген ақпарат тарады
Желіде сондай-ақ ауыл тұрғындары бұған дейін мектептің алды қараңғы екеніне бірнеше рет шағымданғаны жазылған.
Атамлыш оқиғаға қатысты желіде Алмалыбақ орта меткеп гимназиясы жазба қалдырды.
«20 қараша, сағат 17.30 шамасында мектеп алдында 5 „Г“ сынып оқушысының аяғын жеңіл автокөлік басып кеткен. Оқиға болған уақытта дереу жедел-жәрдем шақырылып, оқушының ата-анасы бірден хабардар етілді. Келген жедел-жәрдем қызметкерлері оқушыға алғашқы медициналық көмек көрсетіп, Қарасай аудандық орталық ауруханасына алып кетті», — деп хабарлады Алмалыбақ орта меткеп гимназиясы.