Алматы облысында «Түркістан сілеусіні» фотоға түсіп қалды

ҚОНАЕВ.KAZINFORM - Алматы облысында ұлттық парк инспекторлары «Түркістан сілеусінін» фотоға түсіріп алды. 

Қазақстанның Қызыл кітабына енген жануардың суреттерімен Орман шаруашылығы және жануарлар дүниесі комитеті әлеуметтік желіде бөлісті.

- Жоспарлы рейдтік іс-шара барысында Шарын мемлекеттік ұлттық табиғи паркі (МҰТП) инспекторлары Қазақстанның Қызыл кітабына енгізілген сирек кездесетін Түркістан сілеусінін кездестірді. Бұл оқиға аймақтың биоалуантүрлілігі мен экожүйесін сақтауға бағытталған шаралардың тиімділігін растайды, - деп хабарлады комитеттен.

Фото: Орман шаруашылығы және жануарлар дүниесі комитеті

Еске сала кетейік, бұған дейін Алматы маңындағы тауларда қар көшкіні жүруі мүмкін екенін хабарлаған едік.