19:24, 26 Ақпан 2025 | GMT +5
Алматы облысында жол апатынан 4 адам мерт болды
ҚОНАЕВ.KAZINFORM — «Алматы-Астана» автожолының 56 шақырымында 4 адамның өмірін қиған жол-көлік оқиғасы болды.

Алматы облысы Полиция департаментінің мәліметінше, BMW-728 көлігінің жүргізушісі қарама-қарсы қозғалыс жолағына шығып, Ford Mondeo автокөлігімен соқтығысқан. Соққы салдарынан Ford көлігі өртеніп кеткен.
— Оқиға орнында Ford көлігінің жүргізушісі мен екі жолаушысы, сондай-ақ BMW-нің бір жолаушысы қаза тапты. BMW жүргізушісі түрлі жарақаттармен ауруханаға жеткізілді. Қазіргі уақытта сотқа дейінгі тергеу амалдары жүргізіліп жатыр. Оның нәтижелері бойынша процессуалдық шешім қабылданады, — деп хабарлады полициядан.
Еске салайық, бұған дейін Астанада өрт сөндіру көлігі жеңіл көлікпен соқтығысып, бір адам қаза болғанын жазғанбыз.