Алматы облысындағы тауларда көшкін жүруі мүмкін

ҚОНАЕВ. KAZINFORM – Құтқарушылар облыс тұрғындарын қар көшкіні қаупі туралы ескерту жариялады.

– Алматы облысының тауларында 17-23 ақпан аралығында аралығында көшкін қаупі сақталады. ТЖД азаматтардан, туристерден және демалушылардан қар көшкіні болуы мүмкін қарлы беткейлерге шықпауды, сондай-ақ таулы жерлерде барлық қауіпсіздік талаптарын сақтауды сұрайды, – делінген хабарламада.

Ведомствоның мәліметінше, облыс бойынша көшкін қаупі бар 55 учаске бар. Олар Еңбекшіқазақ, Талғар және Қарасай аудандарында – Іле-Алатау тауларының оңтүстік беткейінде орналасқан.

Еске салайық, бұған дейін Алматы облысында қар көшкіні қаупіне байланысты бірнеше автожол көктемге дейін жабылғанын жазғанбыз. 

Осыған дейін, Алматы облысында белгісіз адам су жіберетін шлюзды ашып жібергені туралы жазған едік. 

Айта кетейік, өңірдің бес ауданы су басу қаупі жоғары аймаққа жатады.