Алматы облысының спорт басқармасына жаңа басшы тағайындалды

ҚОНАЕВ. KAZINFORM — Алматы облысы әкімінің өкімімен Айбол Құлбаев Алматы облысы дене шынықтыру және спорт басқармасының басшысы лауазымына тағайындалды. 

Айбол Құлбаев 1986 жылы туған. Білімі - жоғары.

2008 жылы Қазақ спорт және туризм академиясында «Дене шынықтыру және спорт» мамандығы бойынша бакалавры, 2010 жылы магистр, 2015 жылы «Дене шынықтыру және спорт» мамандығы бойынша докторы дәрежелерін алған. 

2018 жылы Ресей халықаралық олимпиадалық университетінде «Спорттағы менеджмент пен маркетинг» мамандығы бойынша қосымша кәсіби білім беру бағдарламасын аяқтаған. 

Еңбек жолын 2009 жылы Алматы технологиялық университетінің технология-экономикалық колледжінің оқытушысы болып бастады. 

Әр жылдары Қазақ спорт және туризм академиясының аға оқытушысы, ғылым, халықаралық байланыс және жоғары оқу орнынан кейінгі білім беру департаментінің директоры, бөлім жетекшісі, ғылым және стратегиялық даму жөніндегі проректоры, Дене шынықтыру және бұқаралық спорт академиясының ғылым және халықаралық ынтымақтастық жөніндегі проректоры лауазымдарында қызмет атқарған. 

2024 жылдан бастап бүгінгі күнге дейін Қ.Ахметов атындағы олимпиада резервінің республикалық мамандандырылған мектеп-интернат колледжінің директоры болды. 

Еске салайық, бұған дейін Алматы облысының әкімдігінде кадрлық ауыс-түйіс болғанын жазғанбыз.