«Алматы жастары» бағдарламасы бойынша қосымша іріктеу болады
АЛМАТЫ. KAZINFORM - «Алматы жастары» жеңілдетілген несиелеу бағдарламасы бойынша өтінімдерді қосымша іріктеу кезеңі өтеді.
Іріктеудің бұл кезеңі биыл 29 шілдеден 7 тамызға дейін негізгі конкурстық кезеңде өтінім берген, бірақ құжаттарды дұрыс толтырмау немесе дұрыс тапсырмау себебінен оң шешім алмаған азаматтарға ғана қолжетімді болады.
Өтінім жіберушілер туралы ақпарат almaty-zhastary2024.kz сайтының басты бетінде - «Қайта өңдеуге жіберілген азаматтар тізімі» бөлімінде қолжетімді. Құжаттарға түзетулер мен жаңартулар енгізу кезеңі 2024 жылғы 23-31 желтоқсан аралығына белгіленген.
Қосымша түсініктемелер мен консультациялар алу үшін азаматтар Алматы қаласының коммуналдық инфрақұрылымды дамыту басқармасының +7 (727) 225 14 57 көпарналы телефоны арқылы жүгіне алады.
Еске салайық, бұған дейін «Алматы жастарына» өтінім берген 2 мыңға жуық жас баспаналы болды.
2025 жылы «Алматы жастары» бағдарламасымен үй алатын жастар саны көбейетінін жазғанбыз.
