Алматы жолдарында 400-ден астам мас жүргізуші ұсталды

АЛМАТЫ. KAZINFORM – Алматы қаласының аумағында «Қауіпсіз жол» жедел-профилактикалық іс-шарасы өтіп жатыр.

Іс-шара басталғалы бері Алматыда жол қауіпсіздігіне байланысты 52 мыңнан астам әкімшілік құқықбұзушылық анықталған.

Кең тараған құқықбұзушылықтар қатарында:

• Маневр жасау ережелерін бұзудың 3 мыңнан астам дерегі;
• Қарама-қарсы бағытқа шығудың 222 жағдайы;
• Бағдаршамның тыйым салатын белгісінен өтіп кетудің 453 дерегі;
• 439 жүргізуші көлікті мас күйде басқарғаны үшін ұсталған.

Жалпы 2 775 көлік айыппұл тұрағына қойылған, оның 935-і мопед. Алматы қаласының жергілікті полиция қызметі азаматтарды жол қозғалысы ережелерін қатаң сақтауға шақырды.

Еске салайық, бұған дейін Алматыда бірнеше көше екі айға жабылғанын жазғанбыз.