18:35, 08 Қараша 2024 | GMT +5
Алматы зообағындағы кәмшат жануарлары жаңа вольерге көшірілді
АЛМАТЫ. KAZINFORM – Алматы зообағындағы кәмшаттар үлкен бассейіні бар кең вольерге көшірілді.
Бұл жануарлар өте белсенді. Бір орында тұрмайды, үнемі қозғалыста. Олар әсіресе суға түскенді жақсы көреді.
«Судан шыға сала бөренеден жасалған орындарға барып жайғасып, аз уақыттан кейін қайта суға түседі. Оларда саусақтарының арасын жалғап тұратын тері қабаты болады. Соның арқасында суда еркін жүзеді. Кәмшаттарға сиыр етін, тауық пен балық береміз», - делінген хабарламада.
Осыған дейін Алматы зообағы экзотикалық жануармен толыққаны туралы жазған едік.
Зообақта барлығы 370-ке жуық жануардың түрі бар. Олар жыртқыш сүтқоректілер, тұяқтылар, приматтар, жыртқыш құстар, экзотикалық құстар, экзотариум және аквариум бөлімдеріне бөлінген.
