Алматыда 10 көлік соқтығысты: зардап шеккендер бар
АЛМАТЫ. KAZINFORM – Алматыда 10 көлік соқтығысып, жол-көлік оқиғасының салдарынан қалада үлкен кептеліс пайда болды. Жол апатының бейнежазбалары әлеуметтік желіде тарады.
Алматы қаласы Полиция департаментінің мәліметіне сәйкес, жол-көлік оқиғасы Рысқұлов және Тілендиев көшелерінің қиылысында болған.
– Жергілікті полиция қызметінің кезекші бөлімінде хабарлағандай, Рысқұлов даңғылының бойында Тілендиев көшесінің қиылысында 10 автокөлік жол-көлік оқиғасына ұшыраған. Жүк көлігінің жүргізушісінің денсаулығы нашарлап, ол бірнеше көлікпен соқтығысқан. Зардап шеккендердің саны және егжей-тегжейлі жағдайлар анықталады, - деп хабарлады қалалық ПД баспасөз қызметі.
Еске салайық, бұған дейін Алматы маңында жүк пойызы мен жүк көлігі соқтығысқанын жазған едік.
Алматыда жолаушылар автобус жүргізушісін ұрып, есінен тандырды.
