Алматыда 100 «инватакси» мүмкіндігі шектеулі дауыс берушілерді тасымалдап жатыр
АЛМАТЫ. KAZINFORM – Бүгін республикалық референдум күні қалада мүмкіндігі шектеулі тұрғындар үшін қала әкімдігі «Инватакси» қызметін ұсынды.
«Инватакси» арбамен жүретін және тірек-қимыл аппараты мен көру қабілеті бұзылған азаматтарға қолжетімді. Мегаполисте барлығы 100 арнайы автокөлік қызмет көрсетіп жатыр.
«Инватакси» қызметін мына диспетчерлік қызмет нөмірлері арқылы шақыруға болады:
* арбамен жүретін және тірек-қимыл аппараты бұзылған азаматтар үшін: * +7 747 402 6415, +7 707 710 6050 (WhatsApp);
* көру қабілеті бұзылған азаматтар үшін: +7 705 980 87 09, +7 705 831 48 14.
Сонымен қатар мүмкіндігі шектеулі азаматтарға көлік қызметін көрсету үшін 20 кезекші автокөлік бөлінген. Кезекші автокөлікті мына нөмір арқылы шақыруға болады: 338-30-09. Осы нөмір арқылы мүмкіндігі шектеулі адамдар қызмет көрсету сапасына қатысты шағымдана алады.
Еске салайық, бұған дейін Алматыда референдум учаскесінде әнұран ым-ишара тілінде орындалғанын жазғанбыз.
Сондай-ақ Алматы әкімі дауыс бергенін жазған едік.
