Алматыда 20 жастағы жігітті пышақтап кетті: марқұмның спортшы екені белгілі болды

АЛМАТЫ. KAZINFORM – Алматыда кісі қолынан қаза тапқан жас жігіт кәсіби кикбоксшы Әли Серік болып шықты.

Қазақстанның Муай-тай федерациясы спортшының отбасына көңіл айтты.

– Алматы қаласынан қаралы хабар келді. Муайтайдан ересектер арасында әлем чемпионы Серік Али бұзақылар қолынан қаза тапты. Чемпионымыздың отбасына, туған-туыстарына қайғыра көңіл айтымыз. Бекем болыңыз,– делінген хабарламада. 

Айта кетейік, Әли Серік — жеңіл салмақта (58 кг) өнер көрсеткен 20 жастағы кикбоксшы, халықаралық турнирлерде ел намысын қорғаған спортшы.

Осыған дейін, Алматыда 20 жастағы жігітті жанжал кезінде пышақтап кеткені туралы жазған едік. Күдікті ұсталып, қылмыстық іс қозғалды.