Алматыда 29 наурыз күні жол қозғалысы ішінара шектеледі

АЛМАТЫ. KAZINFORM — Алматы қаласының Полиция департаменті 29 наурызда халықаралық іс-шаралардың өтуіне байланысты жол қозғалысына ішінара шектеу енгізілетінін хабарлады.

Полиция мәліметінше, келесі көшелерде жол қозғалысына түзетулер енгізілу мүмкін: Майлин көшесі, Құлжа тракті, Бұқтырма көшесі, Шығыс автомобиль айналма жолы, Әл-Фараби даңғылы, Достық даңғылы, Жароков көшесі, Абай даңғылы, Сәтбаев көшесі, Назарбаев даңғылы.

Одан бөлек 29 наурызда сағат 00:00–ден 14:00–ге дейін осы ауданда тұратын азаматтардың автомашиналарынан басқа, «Медеу» мұз айдыны және «Шымбұлақ» курортына бару және жол жүру үшін жабық болады.

— Қала тұрғындары мен қонақтарын уақытша шараларға түсіністікпен қарауға және кептеліс жағдайларын болдырмау үшін қозғалыс бағыттарын алдын ала түзетуге шақырамыз, — деп хабарлады қалалық полиция департаментінен.

Еске салайық, бұған дейін алматылықтар 22 млрд теңге көлік салығын төлегенін жазғанбыз.