Алматыда автобус ішінде жанжал шығарғандар іздестіріліп жатыр

АЛМАТЫ. KAZINFORM – Алматыда қоғамдық көлік ішінде екі ер адам жанжал шығарды.

Оқиғаның бейнежазбасы әлеуметтік желіде жарияланды. 
Қалалық полиция департаменті бейнежазбадағы азаматтар анықталғанын хабарлады.

— Қазіргі уақытта оқиғаның барлық мән-жайын анықтау және кінәлілерді заңға сәйкес жауапкершілікке тарту шаралары қабылданып жатыр. Алматы полициясы кез келген заңбұзушылық пен қоғамдық тәртіпті бұзу әрекеттеріне құқықтық баға берілетінін атап өтеді, — деп мәлімдеді департаменттен.

Еске салайық, бұған дейін Оралда автобустағы жаппай төбелеске байланысты қылмыстық іс қозғалды.