Алматыда екі автобус апатқа ұшырып, жүргізушілері зардап шекті

АЛМАТЫ. KAZINFORM – Алматыда екі автобус пен жеңіл көлік соғылды, салдарынан қоғамдық көлік жүргізушілері зардап шекті.

Алматы қалалық Полиция департаментінің мәліметінше, жол апаты 16 қараша таңғы сағат 5:20-шамасында Түрксіб ауданында болды.

«Бекмаханов көшесінде екі автобус пен Chevrolet көлігі соқтығысты. Екі автобустың жүргізушісі медициналық көмекке жүгінді. Басқа зардап шеккендер жоқ.Түрксіб ауданының полиция қызметкерлері жол апатының мән-жайын анықтап жатыр»,- деп хабарлады ведомстводан.

Алматының қоғамдық көліктері соңғы 4 жылда мыңға жуық мәрте жол апатына ұшыраған.