Алматыда екі автокөлік өртеніп кетті

АЛМАТЫ. KAZINFORM – Алматы қаласының Жетісу ауданында екі автокөлік өртке оранды, деп хабарлайды Төтенше жағдайлар департаменті.

Бүгін өрт сөндіру бөлімшелері Айнабұлақ-4 шағынауданына жіберілді. Оқиға орнына жеткен кезде шамамен 10 шаршы метр аумақта екі автокөліктің ашық жалынмен жанып жатқаны анықталды.

- Жедел қабылданған шаралардың нәтижесінде өрт толығымен сөндірілді, - делінген ақпаратта.

Зардап шеккендер жоқ. Өрттің шығу себебі анықталуда.

Айта кетейік, Алматының Медеу ауданында жеке үй өртенді.