Алматыда қалалық аурухананың жанынан әйелдің мәйіті табылды

АЛМАТЫ. KAZINFORM – Әлеуметтік желіде Алматының №1 қалалық емханасының жанында әйел адамның киімсіз мәйіті табылғаны туралы ақпарат тарады. 

Алматы қаласының Полиция департаменті аталған фактіні растады.

- Зорлық-зомбылықпен өлім белгілері жоқ адамның мәйітін табу фактісі бойынша қылмыстық іс қозғалды. Өлімнің себебін анықтау мақсатында сот-медициналық сараптама тағайындалды. Басқа жағдайлар белгіленеді, - деп хабарлайды ПД баспасөз қызметі.

Еске салайық, бұған дейін Алматыда тұрғын үйдің кіреберісінде туысқанын өлтірген әйел ұсталғаны хабарланған болатын.