Алматыда кедендік заңсыз тексерудің 37 фактісі анықталды

АСТАНА. KAZINFORM — Прокуратура ірі бизнеске қатысты заңсыз тауар тексерулердің жолын кесті.

Алматы көлік прокуратурасы ірі салық төлеушілердің атына келген тауарларды кедендік заңсыз тексерудің 37 фактісін анықтады.

— Тексерулер инспекциялық–қарау кешендерінің істен шығуына байланысты қолданылатын тәуекелдерді басқару жүйесінің тәуекел профильдері негізінде жүргізілген. Бұл бизнес үшін қосымша қаржылық шығындарға әкеледі. Прокурорлық қадағалау актісі бойынша заңсыз тәжірибе тоқтатылды, ал жауапты лауазымды тұлғалар тәртіптік жауаптылыққа тартылды, — делінген таратылған ақпаратта.

Бұған дейін БҚО-да прокуратураның араласуымен 468,5 млн теңге мемлекетке қайтарылғаны белгілі болды.