11:04, 02 Желтоқсан 2024 | GMT +5
Алматыда көлікке оқ атқандар іздестіріліп жатыр
АЛМАТЫ. KAZINFORM - Алматыда бейтаныс адамдар автотұрақта тұрған көлікке пневматикалық қарумен оқ атқан. Зақымдаған көліктің бейнежазбасы әлеуметтік желіде тарады.
Желідегі мәліметке сәйкес, көліктің ішінде адам болмаған. Күдіктілер қозғалыс құралының артқы терезесінен оқ атқан. Алматы қаласының Полиция департменті аталған дерек бойынша қылмыстық іс қозғалғанын хабарлады.
- Бұл дерек бойынша Медеу аудандық полиция басқармасы қылмыстық іс қозғады. Күдіктілерді ұстауға және істің объективті мән-жайларын анықтауға бағытталған жедел шаралар жүргізіліп жатыр, - деп хабарлады қалалық ПД баспасөз қызметі.
Еске салайық, бұған дейін Шымкенттегі ломбардқа қарулы шабуыл жасаған адамға сот үкімі шыққанын жазғанбыз.
