Алматыда Құрманғазы көшесінде қозғалыс шектеледі

АЛМАТЫ. KAZINFORM — Алматыда Құрманғазы көшесі уақытша жабылады.

«Алматы жылу желілері» компаниясынан мәлім еткендей, 15 наурыз таңғы сағат 9:00-ден 15:00-ге дейін Құрманғазы көшесінде, Достық даңғылынан Пушкин көшесіне дейінгі аралықта көлік қозғалысы шектеледі.

— Уақытша шектеулер жолдың жоғарыда аталған бөлігінде жылу желілерінің үстіндегі асфальт жабындысының шөгуін жою мақсатында енгізіледі. Жөндеу жұмыстарын мердігер ұйым кепілдік міндеттемелері аясында жүргізеді.Уақытша қолайсыздықтарға түсіністікпен қарауды сұраймыз,— делінген хабарламада.

Еске салайық, былтыр Құрманғазы көшесі екі айға жабылып, тозығы жеткен құбыр аустырылған болатын.