Алматыда марафонға байланысты бірнеше көше жабылады
АЛМАТЫ. KAZINFORM — Алматыда 29 қыркүйек күні дәстүрлі Almaty Marathon өтеді. Биыл халықаралық марафон 13-рет ұйымдастырылады. Спорттық іс-шараға байланысты бірқатар мегаполис көшелері жабылмақ.
Биыл марафонға 50 мемлекеттен келген 15 мың адам қатысады деп жоспарланған. Жарыс жолы Республика алаңынан басталып, осы алаңда аяқталады.
29 қыркүйекте сағат 6:20–ден 12:30–ға дейін марафон қашықтығы өтетін жерлерде жол қозғалысы ішінара жабылады. Спортшылар қашықтықты өткеннен кейін жолдар ашылады.
Атап айтқанда, Желтоқсан көшесінен Назарбаев даңғылына дейін Сәтбаев көшесінің бойындағы еекі жолақ 28 қыркүйек сағат 6:00–ден 29 қыркүйек сағат 18:00–ге дейін жабылады.
29 қыркүйек күні уақытша жабылатын көшелер:
— Назарбаев даңғылының бойында Сәтбаев көшесінен Әл-Фараби даңғылына дейінгі көлік қозғалыс сағат 6:25–тен 09:35–ке дейін толығымен жабылады.
— Әл-Фараби даңғылының бойында Назарбаев даңғылынан Шашкин көшесіне дейінгі көлік қозғалыс сағат 6:30–дан 9:45–ке дейін ішінара жабылады. Әл-Фараби даңғылының оңтүстік жағы автокөлік қозғалысы үшін ашық болады.
— Әл-Фараби даңғылының бойында Шашкин көшесінен Саин көшесіне дейін батыс бағытта көлік қозғалыс сағат 6:35–тен 10:15–ке дейін ішінара жабылады, көшенің оңтүстік жағы автокөлік қозғалысы үшін ашық болады.
— Саин көшесінің бойында Әл-Фараби даңғылынан Абай даңғылына дейінгі солтүстік бағытта көлік қозғалыс сағат 7:00–ден 11:00–ге дейін жабылады, көшенің батыс жағы автокөлік қозғалысы үшін ашық болады.
— Абай даңғылының бойында Саин көшесінен Розыбакиев көшесіне дейінгі шығыс бағытта көлік қозғалыс сағат 7:10–нан 11:30–ға дейін жабылады, даңғылдың солтүстік жағы автокөлік қозғалысы үшін ашық болады.
— Абай даңғылының бойында Розыбакиев көшесінен Байтұрсынов көшесіне дейінгі көлік қозғалыс сағат 7:20–дан 12:00–ге дейін толығымен жабылады.
— Байтұрсынов көшесінің бойында Абай даңғылынан Сәтбаев көшесіне дейінгі көлік қозғалыс сағат 7:30–дан 12:15–ке дейін толығымен жабылады.
— Сәтбаев көшесінің бойында шығыс бағытта Байтұрсынов көшесінен Желтоқсан көшесіне дейінгі көлік қозғалыс 7:40–тан 12:30–ға дейін толығымен жабылады. Абай даңғылымен батыс бағытта, Төле би көшесімен шығыс бағытта балама жол жүру бағыты ашық.
— Шашкин көшесінің бойында Әл-Фараби даңғылынан Тимирязев көшесіне дейінгі көлік қозғалыс сағат 7:30–дан 08:05–ке дейін толығымен жабылады.
— Тимирязев көшесінің бойында Шашкин көшесінен Байзақов көшесіне дейінгі көлік қозғалыс сағат 7:30–дан 08:15–ке дейін толығымен жабылады.
— Байзақов көшесінің бойында Тимирязев көшесінен Құрманғазы көшесіне дейінгі көлік қозғалыс сағат 7:35–тен 08:50–ге дейін ішінара жабылады.
— Құрманғазы көшесінің бойында Байзақов көшесінен Байсейітов көшесіне дейінгі көлік қозғалыс сағат 7:40–тан 08:10–ға дейін ішінара жабылады.
— Абылай хан даңғылының бойында Құрманғазы көшесінен Абай даңғылына дейінгі көлік қозғалыс сағат 7:45–тен 09:15–ке дейін ішінара жабылады.
— Желтоқсан көшесінің бойында Абай даңғылынан Сәтбаев көшесіне дейінгі көлік қозғалыс сағат 7:50–ден 09:20–ға дейін ішінара жабылады.
Еске салайық, бұған дейін Алматы марафонына биыл 2 мың шетелдік қатысатынын жазғанбыз.
