Алматыда Наурыз мерекесіне байланысты бірнеше көше уақытша жабылады

АЛМАТЫ. KAZINFORM – Алматы көшелерінде бірнеше күнге көлік қозғалысына уақытша шектеу енгізіледі.

19-23 наурыз аралығында Төле би көшесінің Назарбаев даңғылынан Абылай хан көшесіне дейінгі бөлігі жабылады. Оған байланысты бұл күндері 10 қоғамдық көлік бағытының қозғалыс сызбасына өзгеріс енгізіледі.

- Бұл №16, 37, 48, 126, 201, 205, 206, 209, 210 және 224 бағыттары. Астана алаңын шығыс бағытында Қабанбай батыр көшесі арқылы, батыс бағытта Бөгенбай батыр көшесі арқылы айналып өтетін болады. Ал №16 және 126 бағыттар бұл аумақты Гоголь көшесі арқылы айналып өтеді, - деп хабарлады әкімдіктен.

Сонымен қатар 22 наурызда сағат 06:00-ден 11:30-ға дейін Назарбаев даңғылынан Достық даңғылына дейін Абай даңғылы уақытша жабылады.

Еске салайық, бұған дейін туристер әз-Наурызды бірден екі елде – Қазақстан мен Өзбекстанда қарсы алатынын жазғанбыз.