Алматыда психикалық денсаулық орталығынан екі адам қашып кетті

АЛМАТЫ. KAZINFORM – Волонтерлердің хабарлауынша, психикалық ауытқуы бар науқастар емдеу мекемесінен 31 мамыр күні қашып кеткен. 

Олардың бірі — 32 жастағы Павел Лавров. Бойы 157 см, дене бітімі орташа, шашы қара, көзі қоңыр. Оң қолының білегінде тыртық іздері бар.

Фото: http://volontery_almaty_lider.kz/

Екінші науқас —1992 жылы 16 қыркүйекте туған Денис Антипин. Бойы 180 см, дене бітімі орташа, шашы қою қоңыр. Ол да аталған мекемеден сол уақытта қашқан.

Фото: http://volontery_almaty_lider.kz/

Алматы қалалық Полиция департаменті, аталған азаматтарға қатысты іздеу жарияланғанын мәлімдеді.

Kazinform агенттігі қашқындарға қатысты Психикалық денсаулық орталығының баспасөз қызметіне сауал жолдады. Әзірге, жауап жоқ.

Бұған дейін ек жасөспірім Рудныйдағы түзету орталығынан қашып кеткен болатын.