Алматыда Саин көшесі уақытша жабылады
АЛМАТЫ. KAZINFORM — Алматыда Саин көшесін ұзарту жұмыстары аясында көлік қозғалысына уақытша шектеу енгізіледі.
17 қазан сағат 07:00–ден 19 қазан сағат 23:00–ге дейін Саин көшесінің Рысқұлов даңғылынан Мөңке би көшесіне дейінгі бөлігінің шығыс жағында, сондай-ақ Шәріпов көшесінде көлік қозғалысы тоқтатылады. Шектеу асфальтбетон жабындысын төсеу жұмыстарына байланысты енгізіледі.
Жөндеу жүргізілетін учаскеде ескерту белгілері орнатылады.
Алматы әкімдігі жүргізушілерден жүру бағытын алдын ала жоспарлауды сұрайды.
Еске салсақ, Алматыда Медеу — Шымбұлақ жолы уақытша жабылатыны хабарланды.
