Алматыда шаңғы тебуді жаңа бастағандар үшін 35 км-ден астам шаңғы трассасы салынады

АЛМАТЫ. KAZINFORM – Almaty SuperSki жобасының жетекшісі Томас Тор Йенсен Алматыда жаңа тау шаңғысы курортын салу аясында шаңғы тебуді жаңадан бастаушыларға арналған 35 шақырымнан астам трасса ашылатынын мәлемдеді. Бұл туралы Үкіметтің баспасөз қызметі жазды. 

— Бүгінде біз осындай тау шаңғысы курорттарын салып жатырмыз, олар баршаға қолжетімді болуы керек – және солай болады да. Көтергіштер еңістің төменгі жағынан шыңға көтерілу кезінде – балалар, ересектер және мүгедектігі бар жандар пайдалана алатындай етіп ұйымдастырылған, — деді ол.

Оның айтуынша, жобаны іске асыру барысында қоршаған ортаға қамқорлыққа ерекше назар аударылады.

— Сондықтан біз көтергіштер мен трассаларды салу кезінде табиғи ортаны бұзбау мақсатында қазу жұмыстарын барынша азайтамыз,  — деп атап өтті Томас Тор Йенсен.

Партнер компании «Horwath HTL» Синиша Топалович рассказал, на чем сосредоточатся при реализации проекта по строительству горного кластера.

— Біз 2025 жылы не істей аламыз? Біріншіден, сізде көтергіш және жылына 1,5 миллион келуші бар. Сондай-ақ, Шымбұлақта салыстырмалы түрде шағын демалыс аймағы бар екенін көріп отырмыз, мұнда келгісі келетіндер көп. Мұның бәрі бірнеше жыл бұрын жобаланған және жабдықталған. Қазір біз оны Алматы супер шаңғы базасы деп атаймыз. Медеуден үстіртке көтеріле аламыз. Сондай-ақ сізде жаңадан бастаушыларға арналған түсулер бар және бұл көптеген тау шаңғышыларын тартатын аймақ ретінде Шымбұлақ үшін тамаша. Оны одан әрі ұйымдастыруға көптеген мүмкіндіктер бар. Мұнда шамамен 1,5 миллион келуші келетінін ескерсек, мұны істеу қиын емес.Біз 65 шақырым беткейлерді көреміз, ал аймақтың өзінің өткізу қабілеті 10 мыңға жуық. Мұнда Орталық Азиядағы ең үлкен демалыс аймағын құруға болады деп есептейміз», — деп есептейді PGI management Президенті Джоан Виладомат.

Айта кетейік, бүгін Премьер-министр Олжас Бектенов Алматыға жұмыс сапары барысында Алматы тау кластері аумағын тікұшақпен аралап көрді.