Алматыда шетелдік азаматтың өлімі тексеріліп жатыр

АЛМАТЫ. KAZINFORM - Алматыда пәтерлердің бірінде шетелдік азаматтың мәйіті табылды. Бұл туралы ақпарат әлеуметтік желіде тарады. 

Желідегі ақпарат бойынша, Әуезов ауданындағы пәтерде 50 жастағы Ресей азаматының бөлшектелген денесі табылған. Бұл ақпаратты Алматы қаласының Полиция департаменті растады.

- Бұл дерек бойынша Әуезов аудандық полиция басқармасы қылмыстық іс қозғады. 

Күдікті ұсталып, уақытша ұстау изоляторына қамалды. Басқа мән-жайлар анықталып жатыр, - деп хабарлады қалалық ПД баспасөз қызметі.

Еске салайық, бұған дейін Алматы облысында бала өліміне байланысты қылмыстық іс тексеріліп жатқанын жазған едік.

Күдіктілердің бірі - баланың анасы болуы мүмкін.