Алматыда соққыға жығылған зейнеткер қайтыс болды

АЛМАТЫ. KAZINFORM — Мегаполис саябақтарының бірінде кешкі жүгіруге шыққан зейнеткер кісі қолынан қаза тапты.

Қайғылы жағдайды Алматы қаласының полициясы растады.

«Адам өліміне әкеп соқтырған дене жарақатына қатысты қылмыстық іс қозғалып, тергеу басталды. Күдікті ұсталып, уақытша ұстау изоляторына қамалды. Басқа мән-жайлар анықталып жатыр», – деп хабарлады Алматы қаласының полиция департаментінен.

Бұған дейін Жамбыл облысында 8-сынып оқушысы көшедегі әжетханада қайтыс болғаны туралы жазған едік.