Алматыда субұрқақ кешені 4,5 млрд теңгеге жөнделеді

АЛМАТЫ. KAZINFORM – Осы жылдың мамыр айында Республика алаңында орналасқан субұрқақ кешендеріне күрделі жөндеу жұмыстары басталады.

– 2025 жылдың мамыр айында Республика алаңында 4,5 млрд теңгеге фонтан кешендерін күрделі жөндеу басталады. Құрылыс - монтаждау жұмыстарының аяқталу мерзімі - осы жылдың қазан айы,– деді Ерболат Досаев Бостандық ауданының тұрғындарымен кездесу барысында 

Осыған дейін Осыған дейін «Қазақстан» қонақ үйінің жанындағы субұрқақтағы жөндеу жұмыстары тоқтатылып, оны жаңартпақ болған мейманхана иесі жауапқа тартылған еді.

Айта кетейік, Алматыда барлығы 150 субұрқақ бар, оның ішінде 66-сы коммуналдық және 84-і жеке аумақта орналасқан. Олар жыл сайын 1 мамырда іске қосылады және 1 қазанда өшіріледі. 

Бұдан бөлек, Алматыда екі субұрқақ қала меншігіне берілгені туралы жазғанбыз.