Алматыда тағы да жер сілкінді
АЛМАТЫ. KAZINFORM – Қазақстан Республикасы Төтенше жағдайлар министрлігіне қарасты «Сейсмологиялық тәжірибе-әдістемелік экспедициясы» ЖШС-нің сейсмикалық стансалар желісі 23 қаңтар күні Алматы уақытымен сағат 15:07-де жер сілкінісін тіркеді.
Тербеліс ошағы Алматы қаласынан оңтүстік-шығысқа қарай 264 шақырым жерде Қытай аумағында болған.
«Зілзаланың MPV магнитудасы - 4,9. Тереңдігі - 5 км. MSK-64 бағаны бойынша Алматыда 2 балл сезілді», - делінген хабарламада.
