Алматыда тағы да қойма өртенді

АЛМАТЫ. KAZINFORM — Алматы құтқарушылары осы сәтте қала қоймаларының біріндегі өртті сөндіріп жатыр.

Қалалық ТЖД мәліметінше, Әуезов ауданы Өтеген батыр көшесінің бойындағы қойма отқа оранған. Онда құтқарушылар жоғары дәрежемен жұмыс істеп жатыр.

— 19 ақпанда сағат 08:26–да Төтенше жағдайлар департаменінің күштері Өтеген батыр көшесі, 15а мекенжайына жіберілді. Оқиға орнына 08:31–де келген өрт сөндірушілер 3 қабатты әкімшілік ғимараттың ішіндегі қойманың өртенгенін анықтады. Онда өрт сөндіру автопойызы іске қосылды, — деп хабарлады департаменттен.

Еске салайық, бірнеше күн бұрын Алматыда қойма өртенгенін жазғанбыз.