Алматыда тауық етінің бағасын қымбаттатуға тыйым салынды

АЛМАТЫ. KAZINFORM – Алматы қаласында әлеуметтік маңызы бар азық-түлік тауарларының бағасын тұрақтандыру үшін «Алматы» ӘКК» АҚ «Алатау-құс» АҚ құс фабрикасымен қарыз шартын жасады.

Келісім аясында қалада өндірушінің тауық етінің бағасы бекітілетін болды. «Алатау-құс» АҚ фирмалық дүкендерінің сөрелеріндегі және Алматыдағы үйдің жанындағы дүкендердегі өнімнің бір келісі 1 100 теңгеден аспайды. Келісілген шарт бойынша жалпы көлемі 1818 тонна. Тұрақтандыру кезеңі 24 ай.

Өнімдерді сату нүктелерінің мекенжайларын almatyazyk.kz сайтынан білуге болады. 

Фото: Алматы әкімдігі

Осыған дейін жыл басынан бері ет және ет өнімдерінің бағасы 3,6% көтерілгені туралы жазған едік. 

Еске салайық, Алматыда жұмыртқаның шекті бағасы бекітілген болатын.