Алматыда жұмыртқаның шекті бағасы бекітілді

АЛМАТЫ. KAZINFORM –  Алматыда жұмыртқаның шекті бағасы бекітілді. «Алматы» ӘКК» АҚ бірінші санаттағы жұмыртқаның бағасын тұрақтандыру үшін «Сары-Бұлақ» құс фабрикасымен шартқа отырды.

Келісім аясында 1-санаттағы тауық жұмыртқасының бағасы айына 2,4 млн дана көлемінде тұрақталады. Тұрақтандыру кезеңі – 36 ай.

«Сары-Бұлақ компаниясы» ЖШС өнімдері қаладағы сауда желілері, сондай-ақ сауда нүктелері арқылы сатылатын болады.

1-санаттағы жұмыртқаның бір дана үшін сату бағасы 51 теңге. Қаланың сауда объектілеріндегі сатушының сауда үстемесін ескере отырып, бір дана үшін баға 58 теңгеден аспайды.

Толық ақпаратты almatyazyk.kz сайтынан білуге болады.

Қазақстанда алғаш рет қанша күн тұрса да бұзылмайтын жұмыртқа шығарылатынын жазған болатынбыз.