Алматыда түнгі уақытта Сейфуллин даңғылында қозғалыс шектеледі

АЛМАТЫ. KAZINFORM – Жөндеу жұмыстарын жүргізуге байланысты Сейфуллин даңғылы учаскелерінің қозғалысына уақытша шектеулер енгізіледі.

Бірінші учаске: 24 қыркүйекте түнгі сағат 23:00-ден таңғы 06:00-ге дейін Тобаяқов көшесінен Сейфуллин-Жансүгіров жолайрығына дейін көлік қозғалысы жабылады.

Айналма жол Радищев, Тобаяқов және Жансүгіров көшелерімен қамтамасыз етіледі.

Екінші учаске: 25 қыркүйекте сағат 23:00-ден 06:00-ге дейін қозғалыс Ақпаев көшесінен Рысқұлов даңғылына дейін жабылады.

Айналма жол Ақпаев пен Жансүгіров көшелерінде ұйымдастырылады.

Жөнделетін учаскелерде ескерту белгілері, мердігер ұйым басшысының байланыс ақпараты жазылған стендтер қойылады.

Естеріңізге сала кетейік, қозғалыстарды шектеуге қатысты барлық ақпарат Almaty.kz айтында, @AlmatyJoly Telegram-арнасында, аудандық әкімдіктер мен басқармалардың әлеуметтік желілерінде, сондай-ақ 2GIS және «Яндекс карталар» сервистерінде бар.

Осыған дейін Алматыда марафонға байланысты бірқатар көшенің жабылатыны туралы жазған едік.