Алматыда тұраққа таласқан ер адам көршісін пышақтап өлтірді деген күдікке ілінді
АЛМАТЫ. KAZINFORM — Алматыда көршілер арасында үй ауласындағы автотұраққа көлік қоюға байланысты жанжал шығып, соңы өліммен аяқталды.
Оқиға 4 қазан кешке болған. Желіде тараған ақпаратқа сәйкес, Данил Щеткин ұлы мен достарымен бірге қала сыртына демалуға кеткен. Үйге оралғанда, автотұрақтағы бейтаныс көлікті көрген.
Ол көршісінен көлігін алып тастауды сұрап, соның кесірінен арада жанжал туындаған. Көршісі жанжалдан кейін ағасын шақырған. Ол Данилдың мойнына пышақ сұғып, ер адам мерт болды.
Алматыдағы Әуезов полициясы оқиғаға қатысты қылмыстық іс қозғады. 37 жастағы күдікті уақытша ұстау изоляторына қамалды.
— Қазір оқиғаның барлық мән-жайын толық, толық және объективті түрде анықтау үшін бірқатар тергеу іс-шаралары жүргізіліп жатыр. Тергеу жұмыстарын Алматы қалалық полиция департаментінің басшылығы бақылап отыр, — делінген Алматы полиция департаментінің мәлімдемесінде.
Еске салсақ, Алматыда ес-түссіз күйдегі ер адамды пәтерінен көтеріп әкеткен еді.
Кейін полиция адам өлімі бойынша төрт күдіктінің ұсталғанын мәлімдеді.
