Алматыда университет ғимаратынан студент құлап, көз жұмды

АЛМАТЫ. KAZINFORM — Алматыда биіктен құлаған студент қыз көз жұмды.

Желідегі мәліметке сәйкес, 1-курс студенті Әл-Фараби атындағы ҚазҰУ ректоратының ғимаратында 14-қабаттан секірген.

Алматы қаласының полиция департаменті бұл дерек растап, қылмыстық іс қозғады.

— Аталған дерек бойынша Бостандық аудандық полиция басқармасы қылмыстық іс қозғады. Қазіргі уақытта оқиғаның мән-жайы анықталып жатыр. Алдын ала мәлімет бойынша, оқиғаға тұрмыстық себептер түрткі болған. Азаматтардан жалған ақпарат таратпауға және тек ресми дереккөздерге сүйенуге шақырамыз, — деп хабарлады департаменттен.

Еске салайық, бұған дейін Ақтауда әйел жоғары қабаттан құлап, мерт болды.