Алматыда жаңа автобус бағыты іске қосылады

АЛМАТЫ. KAZINFORM – Алматыда 4 сәуірден бастап №130 автобус бағыты іске қосылады. 

Жол қозғалысын ұйымдастыру және жолаушылар көлігі басқармасының мәліметінше, аталған маршрутқа «Алматыэлектротранс» ЖШС қызмет көрсетеді. Күн сайын желіге Yutong маркалы 15 автобус шығады. 

– Бұл – ұзындығы 10 метр болатын заманауи төмен еденді автобустар. Әрқайсысына 80 жолаушыға дейін сыяды және қарбалас уақытта жолаушыларға тиімді қызмет көрсетуге мүмкіндік береді. Қозғалыс аралығы – 9 минут, - деп хабарлады басқармадан. 

№ 130 бағыт «Қалқаман» шағын ауданындағы № 7 қалалық клиникалық ауруханадан Көктөбе аялдамасымен дейін қатынайды. Бағыттың жалпы ұзындығы – 21,5 км. Автобустар күн сайын сағат 05:30-дан 23:00-ге дейін жүреді. 

Маршрут Райымбек батыр, Сейфуллин, Достық даңғылдары, Сәтбаев көшесі және қаланың басқа да маңызды көшелері арқылы өтеді. Сондай-ақ автобустар бұрын қоғамдық көлік жүрмеген Бұқар жырау бульвары бойымен де қатынайды. 

Жаңа бағыт қаланың батыс және орталық бөліктері арасындағы байланысты жақсартпақ. 

Еске салайық, Алматының бір көшесінде қозғалыс жазға дейін шектеледі.