Алматыда жасөспірім баланы жерге лақтырып жіберген: омбудсмен тергеу туралы айтты
АЛМАТЫ. KAZINFORM — Алматы бойынша бала құқықтары жөніндегі уәкіл Диана Ерлан Әуезов ауданында болған оқиғаға қатысты мәлімдеме жасады.
Оның айтуынша, зардап шеккен екі жасар балаға медициналық көмек көрсетілген, әрі қарай да толыққанды оңалтудан өтеді. Қазір ол ата-анасының жанында үйінде.
– 13 жастағы бала да ата-анасының жанында. Біз балалардың отбасымен байланыстамыз. Алматының Психологиялық қолдау орталығында психологиялық көмек ұсынылды, - деді Диана Ерлан.
Сонымен қатар ол балалардың фотосын заңды өкілдерінің келісімінсіз таратпауға үндеді.
Аталған іс ҚР Қылмыстық кодексінің 107-бабы 2-бөлімі 8-тармағы бойынша тіркелген.
Еске салайық, бұған дейін Алматыда жасөспірім екі жасар баланы көтеріп, жерге лақтырып жібергенін хабарлаған едік. Бүлдіршін жарақат алған.
Аталған дерек бойынша Әуезов аудандық полиция басқармасы қылмыстық іс қозғады.
