Алматыда жол жөндеген мердігерлерді полиция тексеріп жатыр

АЛМАТЫ. KAZINFORM – Алматыда жол жөндеу жұмыстарын жүргізетін мердігер ұйымдардың жұмысы бақылауға алынған. 

Қалалық полиция департаментінің мәліметінше, Бостандық ауданында әкімшілік полиция бөлімінің қызметкерлері жол жөндеу жұмыстары жүргізіліп жатқан компаниялардың қызметтерін тексеріп жатыр. 

– Жол жөндеу жұмыстары барысында қауіпсіздік шараларын сақтамағаны үшін жыл басынан бері ауданда 23 мердігер компания әкімшілік жауапкершілікке тартылды, - деп хабарлады депараменттен.

Еске салайық, бұған дейін Алматының Аманжолов көшесінде жол жабыны опырылып, 13 автокөлік зақымданды. 

Ал 17 қыркүйек күні Яссауи көшесінің Дастан көшесімен қиылысында жол жабыны опырылды.