Алматыдағы ботаникалық бақ тағы да бір күнге жабылады

АЛМАТЫ. KAZINFORM – Алматыдағы ботаникалық бақ бір күнге жабылады. Бұл туралы бақтың баспасөз қызметі мәлім етті.

«Ботаникалық бақ 11 шілдеде техникалық себептерге байланысты жабылатынын хабарлаймыз», - делінген хабарламада. 

Басқа күндері жұмыс кестесі өзгеріссіз қалады. 

«Ботаникалық бақ күн сайын сағат 09:00-ден 21:00-ге дейін жұмыс істейді. Кассалар 20:00-ге дейін ашық. Ондағы техникалық үзіліс 15:00-15:30 аралығында болады», - деп хабарлады Ботаникалық бақтың баспасөз қызметі.

Еске салайық, Алматының ботаникалық бағы 1 шілде күні де жұмыс істемеген еді. 

Осыған дейін бақта сирек кездесетін 103 өсімдікті үсік шалғаны туралы жазған болатынбыз.