Алматыда саябақтағы аттракционнан құлаған қыз мерт болды

АЛМАТЫ. KAZINFORM – Алматыда қыз айналмалы шеңберден құлап мерт болды.

Оқиға орнынан түсірілген видео әлеуметтік желіде тарап жатыр.

Қайғылы жағдай 24 маусым күні Алматының орталық саябағында болған.

Алматы қалалық қоғамдық денсаулық сақтау басқармасы мәлім еткеендей, қыз жедел - жәрдем келгенге дейін қайтыс болып кеткен.

Полиция департаменті қылмыстық іс қозғалғанын атап өтті.

«Өз-өзіне қол жұмсау фактісі бойынша қылмыстық іс қозғалды. Жағдайдың себебі мен мән-жайы анықталып жатыр»,- деп хабарлады Алматы қалалық полиция департаментінің баспасөз қызметі.