Алматылық дәрігерлер өкпе қатерлі ісігіне шалдыққан зейнеткерді аман алып қалды

АЛМАТЫ. KAZINFORM – Алматы онкология орталығының дәрігерлері өкпенің қатерлі ісігі диагнозы қойылған 72 жастағы қарияға операция жасады.

оерация
Фото: Алматы қалалық денсаулық сақтау басқармасы

Орталықтың онкологы Рүстем Ирсалиевтің айтуынша, компьютерлік томография науқастың өкпесінде көлемі 10 см болатын үлкен қатерлі ісік барын көрсеткен.

– Ісік жұмсақ тінде болды. Кеуде хирургиясындағы мұндай араласулар техникалық жағынан ең күрделісі. Зейнеткерге радикалды ота жасалды — торакотомиямен жоғарғы лобэктомия, — Рүстем Ирсалиев.

Үш сағатқа созылған ота сәтті өтті.

— Алдағы уақытта гистологиялық зерттеу нәтижелері негізінде біз химиотерапия жүргізетін боламыз,– деді ол.

Осыған дейін алматылық дәрігерлер 6 келі миоманы әйел жатырынан алып тастағаны туралы жазған едік.

 

Соңғы жаңалықтар