Алматылық жастар ұлттық киімді ұлықтады

АЛМАТЫ. KAZINFORM — Алматыда Наурызнаманың онкүндігі аясында қаланың белсенді жастары National day челленджін бастады.

Челлендж аясында AR демалыс орталығының жастары ұлттық киімнің заманауи интерпретациясын ұсынды. 

«Біз осы іс-шара аясында ұлттық киімнің әдемі ғана емес, сонымен қатар, өте стильді, жастық және күнделікті өмірде ыңғайлы болатынын көрсеткіміз келді», — деп атап өтті ұйымдастырушылар.

Айта кетейік, Наурыз мерекесіне орай қаланың барлық комьюнити-орталықтарында жастардың қатысуымен түрлі форматтағы іс-шаралар өтетін болады.