Алматылықтар жер сілкінісін сезді

Алматылықтар жер сілкінісін сезді
Фото: Anadolu Agency

 Алматы тұрғындары жер сілкінісін сезді, деп хабарлайды Kazinform. 

«19 желтоқсан күні сағат 07:44-та Алматы қаласында жер сілкінісі тіркелді. Ешқандай зақым болған немесе қираған жағдай байқалған жоқ, ахуал тұрақты. «112» және «101» жүйелеріне тұрғындардан қоңырау түскен жоқ», - делінген Төтенше жағдайлар департаментінің мәліметінде.

«Сейсмологиялық тәжірибе әдістемелік экспедициясы» ММ сейсмикалық станциялар желісінің дерегінше, зілзала ошағы Алматы қаласынан 347 шақырым жерде, Алматыдан оңтүстікке қарай Қытай аумағында орналасқан.

Энергетикалық санаты – 12.6 MPV, магнитудасы – 6.0. Тереңдігі – 10 шақырым. МSК-64 бағаны бойынша Алматыда 2 балл қуатымен сезілген.

Соңғы жаңалықтар
telegram