Алматының бас жоспарына түзету енгізілмек
АСТАНА. KAZINFORM — Алматыда жекелеген құрылыстарға енгізілген мораторийді ескере отырып, Бас жоспарға түзету енгізіліп жатыр, деп хабарлайды қала әкімдігінің баспасөз қызметі.
Мемлекет басшысының тапсырмасына сәйкес Алматының 2040 жылға дейінгі жаңартылған Бас жоспарын әзірлеу жұмыстары жалғасып келеді.
Негізгі міндет — жасыл аймақтарды кеңейту, тауға жақын аумақтарды құрылыстан қорғау және экологиялық тұрғыдан теңгерімді қала ортасын қалыптастыру.
Сонымен қатар жеке инвесторлар жүзеге асырып жатқан жаңа қонақүй жобалары қаралды.
Қазіргі уақытта қаладағы қонақүйлердің жүктемесі 95%-ға жеткен, ал 54 жаңа жоба іске асырылу кезеңінде.
— Сапалы инфрақұрылымсыз туристік ағынның тұрақты өсімін қамтамасыз ету қиын. Сондықтан бұл бағытта егжей-тегжейлі жұмыс жүргіземіз, — деді Дархан Сатыбалды.
Мақсат — Алматыны тұрғындар мен қонақтар үшін жайлы, жасыл әрі тартымды қалаға айналдыру.
Бұдан бұрын Алматыда ауыр жүк көліктеріне бақылау күшейетіні хабарланды.
