Алматының бірнеше шағынауданында суық су өшіріледі

АЛМАТЫ. KAZINFORM – Алматының бірнеше шағынауданында 22 қазанда түнде суық су уақытша өшіріледі.

«Алматы Су» компаниясының мәліметінше, инженерлік желілерді ауыстыру жұмыстарына байланысты 22 қазанда сағат 23:00-ден 23 қазан 05:00-ге дейін мына аумақтарда суық су болмайды:

Мына көшелер бойындағы аудандарда:

• Абай даңғылы – Сайын көшесі – Жандосов көшесі – Қарғалы өзені;

• Абай даңғылы – Қарғалы өзені – Шаляпин көшесі – Әшімов көшесі.

Су уақытша берілмейтін шағынаудандар:

• Мамыр 1-7;

• Атамекен;

• Алмас;

• Шабыт;

• Жазира;

• Қуаныш;

• Таугүл (Ықылас және Гүлзар көшелері);

• Достық (Абай даңғылының оңтүстігі).

Сонымен қатар су қысымы азаюы мүмкін аумақтар:

• Абай даңғылы – Алтынсарин даңғылы – Шаляпин көшесі – Сайын көшесі аралығы;

• 6, 7, 10а және 12-шағынаудандар.

Компания уақытша қолайсыздықтар үшін тұрғындардан кешірім сұрап, аталған шектеулерге түсіністікпен қарауды өтінді.

Еске салайық, бұған дейін Алматыда суық су мен кәріз қызметінің тарифтері төмендегенін жазған едік.