Алматы қаласы № 4 ауруханасының анестезиологы қолхатпен босатылды
АЛМАТЫ. ҚазАқпарат– Алматы қаласы № 4 ауруханасының анестезиолог дәрігері Асқар Тұңғышбаев ешқайда кетпеу туралы қолхат арқылы босатылды, деп хабарлайды «ҚазАқпарат» ХАА тілшісі.
Бұл туралы қаладық қоғамдық денсаулық басқармасы хабарлады.
Осыған дейін Алматы ауданаралық мамандандырылған тергеу сотының қаулысымен дәрігер Асқар Тұңғышбаев ҚР ҚК 317-бабының 3-бөлімімен (Медицина жұмыскерiнiң кәсiптік мiндеттерiн тиiсiнше орындамауы салдарынан абайсызда адам өлiмiне әкеп соққан іс-әрекеттер) 2 айға қамалғандығын жазған болатынбыз.Еске салсақ, бұған дейін №4 аурухананың бас дәрігері Қанат Тезекбаев ешқайда кетпеу туралы қолхатпен босатылған еді.
Сондай-ақ, ҚР Президенті 2 айға сотталған дәрігерлердің ісін заң тәртібіне сай шешуді тапсырды.
