Алматы қаласы ІІД қыз баланы зорлаушыдан құтқарған әйел адамды іздестіруде
АЛМАТЫ. 11 қазан. ҚазАқпарат - Алматы қаласы Алатау ауданының ІІБ он жасар қыз баланы зорлаушыдан құтқарып қалған еуропалық ұлтты әйел адамның мекенжайы туралы кез-келген ақпаратты ұсынуды сұрайды, деп хабарлайды қалалық ІІД.
Аталған оқиға ағымдағы жылғы 12 тамызда «Ақбұлақ» ықшамауданындағы Шәріпов және Сыздықов көшелерінің қиылысында, № 154 мектептің жанында орын алған. Күдікті адам ұсталып, қамауға алынды. Құтқарған әйел адам - болған оқиғаның негізгі куәгері.
Аталған факті бойынша кез-келген ақпарат 2 27 55 40; 2 27 55 32; 2 27 55 43 немесе 102 телефондары бойынша қабылданады.
