Алматы облысында 17 жастағы қызды өлтірді деген күдікті ұсталды

ТАЛДЫҚОРҒАН. ҚазАқпарат - Алматы облысында 17 жастағы қызды өлтірді деген күдікті ұсталды. Қазір 1982 жылғы азамат темір торға қамалды, деп хабарлайды ҚазАқпарат тілшісі. 

Облыстық ІІД баспасөз қызметінің мәліметінше, тергеу амалдары жүріп жатыр. Күдіктіден болған оқиғаның мән-жайы сұрастырылуда.
Естеріңізге сала кетейік, «Асыл Арман» тұрғын үй кешеніндегі көпқабатты үйдің пәтерінен мәйіт табылған болатын. Қайғылы жағдай 1 сәуір күні болды. Қаскөйді ұстау жүмыстары 3 сәуірге дейін жалғасты. Кей ақпарат көздеріне қарағанда, бойжеткенді өзінің жездесі өлтіруі мүмкін. Алдымен зорлап, артынша өлтіргенге ұқсайды. Қазір аталған жантүршігерлік жағдай бойынша сот-медциналық сараптама тағайындалды. Сотқа дейінгі тергеу шараларын Қарасай аудандық ІІБ полицейлері жүргізуде.