Алматы облысында пара алу кезінде өртке қарсы күрес қызметінің капитаны ұсталды

ТАЛДЫҚОРҒАН. 17 наурыз. ҚазАқпарат - Жаркент қаласы бойынша қаржы полициясы аймақаралық бөлімшесінің қызметкерлері пара алу кезінде Алматы облысы Панфилов ауданы ТЖБ өртке қарсы күрес қызметінің бас маманы-капитанын ұстады.

Капитан бір кәсіпкерге тиесілі дүкеннің өртке қарсы қызметі жағдайын тексеру жөніндегі актінің күшін жою үшін көрсеткен «көмегін» 45 мың теңгеге бағалаған.

Өртке қарсы күрес қызметінің бас маманы пара алу кезінде өзінің кабинетінде ұсталды.